CHARLA ONLINE. Para, pensa e conéctate contra a violencia.

Traémosvos a última das actividades do mes da Igualdade no  Ceip Atín-Cela. Esta vez trátase dunha charla online:  Para, pensa e conéctate contra a violencia. Como detectar, prever e facer fronte a situacións de violencia de xénero nas redes sociais e internet que poidan vivir os menores. Nesta charla desde Cibervoluntarios.org falarannos de riscos nas redes coma o ciberacoso e a violencia de xénero dixital. Se estades en participar tedes que inscribirvos en  https://forms.gle/8QtYtZ3UzkTL8sxQ8

Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.

CHARLA PARA FAMILIAS: VIOLENCIA DE XÉNERO E MENORES

Continuamos coas actividades do mes da Igualdade no Ceip Atín-Cela. Esta vez traémosvos unha charla na que intervirán Paula Blasco Muela, Fiscal Área de Vigo e Ana Mª Rodríguez Cabaleiro Avogada do CIM de Mos. Nesta actividade aprenderemos a identificar a violencia de xénero, especialmente a que se exerce contra os menores e coñeceremos todos os recursos que temos ao noso alcance as familias para facerlle fronte.

Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.

Servizo de aula madruga no Ceip Atín Cela

A partir do vindeiro 1 de decembro e ata o 22 de xuño do 2025 poñemos á disposición das familias que o precisen para conciliar o servizo de Aula Madruga, en horario de 7:30 a 9:30. Esta actividade está financiada pola Secretaría Xeral de Igualdade, dentro das axudas economicas destinadas ás ANPA dentro das actuacións do Plan Corresponsables. As prazas son limitadas, e en caso de que se haxa moita demanda terán prioridade as seguintes familias:

• As familias monoparentais
• As vítimas de violencia de xénero e doutras formas de violencia contra a muller
• Mulleres en situación de desemprego de longa duración.
• Mulleres maiores de 45 anos.
• Unidades familiares nas cales existan outras cargas relacionadas cos coidados.

Por este motivo, se estades nalgún destes casos pregamos que nolo refirades no momento de reservar a  praza. 

No cartel que se achega amplíase a información. 

Agardamos que este servizo vos sexa de axuda!

CONVOCATORIA ASEMBLEA XERAL ORDINARIA DA ANPA

Achegamos a convocatoria da Asemblea Xeral Ordinaria da ANPA que se celebrará o vindeiro venres 29 de novembro.

Agradecemos a vosa asistencia, un saúdo. 

A directiva da ANPA

XINCANA DE CORRESPONSABILIDADE NO CEIP ATÍN-CELA

 Desde a Anpa do Ceip Atín Cela queremos convidarvos a participar na Xincana de Corresponsabilidade, unha actividade que permite promover de xeito lúdico a corresponsabilidade nas tarefas domésticas e coidado dos menores, a igualdade e o bo trato. Esta actividade está dirixida a familias e celebrarase o próximo 22 de novembro ás 17:00h.

 Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.

ESCAPE ROOM DA IGUALDADE PARA FAMILIAS

 Desde a Anpa do Ceip Atín Cela queremos convidarvos a participar no Escape Room da Igualdade. Está dirixido a familias e celebrarase o próximo 21 de novembro ás 17:00h. 

Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de

 xénero.

Mere Clown visita o noso cole co seu "Circo na Casa" dentro das actividades que a Anpa organiza no mes da Igualdade

O vindeiro 12 de novembro para conmemorar o 25N, Día Internacional da eliminación da violencia de xénero poderemos desfrutar no cole do espectáculo CIRCO NA CASA de Mere Clown. Trátase dunha xornada para concienciar e sensibilizar aos nosos menores  do cole sobre a gravidade da violencia de xénero e sobre a importancia de erradicala. Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.

Circo na casa é un espectáculo en prol da igualdade que incide na corresponsabilidade no fogar. Con moitas torpezas, humor e malabares ou equilibrios con “cousas de andar por casa” Mere Clown busca concienciar sobre a importancia de compartir as tarefas domésticas.

Deixámosvos un trailer do espectáculo.

CHARLAS PARA FAMILIAS. DATING VIOLENCE

 Dentro do mes da Igualdade, desde a Anpa do Ceip Atín Cela  organizamos diferentes charlas nas que queremos convidarvos a participar. Na primeira delas que se celebrará o día 19 de novembro ás 18:00h, baixo o título Dating Violence, as familias recibiredes formación acerca de como educar aos menores na sexualidade.  

Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.

MES DA IGUALDADE NO CEIP ATÍN-CELA

 No Ceip Atín-Cela estamos a celebrar o mes da Igualdade para o cal temos preparadas unha morea de actividades para familias e alumnado. Para que poidades participar nas diferentes charlas, teremos servizo de guardería gratuíto dispoñible. Animádevos a participar!

Esta actividade está financiada pola Secretaría Xeral de Igualdade, con cargo ás axudas económicas ás Anpa destinadas á promoción da igualdade entre homes e mulleres e a prevención e loita contra a violencia cara as mulleres, financiadas en desenvolvemento do Pacto de Estado contra a violencia de xénero.