CAMPAMENTO DE PASCUA

 

Temos a Semana Santa á volta da esquina, e con ela chega unha semana na que os máis cativos poderán gozar de tempo de lecer. Como medida conciliadora da vida familiar e laboral, dende a ANPA do CEIP Atín Cela, ofrecemos este campamento gratuíto para todos os alumnos e alumnas do centro.

Esta actividade está cofinanciada pola Consellería de Política Social e Igualdade e polo Ministerio de Igualdade. Teñen prioridade na inscrición: familias monoparentais, mulleres vítimas de violencia de xénero e doutras formas de violencia contra as mulleres, persoas con discapacidade, persoas en risco de exclusión social, persoas solicitantes de asilo internacional ou con estatuto de refuxiado/a e unidades familiares nas cales existan outras responsabilidades relacionadas cos coidados de familiares ou persoas dependentes ao seu cargo.

ENTROIDO 2026

Un ano máis as familias do cole de Atín participamos no Desfile de Entroido de Mos coa nosa comparsa. Foi un verdadeiro placer desfrutar desta festa con vós. Grazas a todas e cada unha das persoas que participastes, sabedes que sen vós isto non sería posible. Grazas a todas as mans amigas, que fixeron posible a elaboración da carroza. A Xunta Directiva da ANPA está moi orgullosa da comunidade do CEIP Atín Cela.

Pedimos desculpas se cometemos algún erro e prometemos seguir traballando máis e mellor. Tamén vos queremos pedir, que si se vos ocorre algunha proposta de mellora ou crítica construtiva a fagades chegar para traballar sobre elas.

Moitísimas grazas a tod@s!!!!!

CAMPAMENTO DE ENTROIDO

Achégase o Entroido, un tempo no que os/as nosos/as peques poderán tomarse un merecido descanso mentras desfrutan dunha das nosas festas máis tradicionais. Cómo medida conciliadora da vida familiar e laboral, dende a ANPA do CEIP Atín Cela, ofrecemos este campamento gratuíto para todos os alumnos e alumnas do centro.

Esta actividade está cofinanciada pola Consellería de Política Social e Igualdade e polo Ministerio de Igualdade. Teñen prioridade na inscrición: familias monoparentais, mulleres vítimas de violencia de xénero e doutras formas de violencia contra as mulleres, persoas con discapacidade, persoas en risco de exclusión social, persoas solicitantes de asilo internacional ou con estatuto de refuxiado/a e unidades familiares nas cales existan outras responsabilidades relacionadas cos coidados de familiares ou persoas dependentes ao seu cargo.

ASEMBLEA XERAL ORDINARIA 2026

 Achegamos a convocatoria da Asemblea Xeral Ordinaria da ANPA que se celebrará o vindeiro venres 30 de xaneiro.

Agradecemos a vosa asistencia, un saúdo. 

A directiva da ANPA

MEDRAMOS EN IGUALDADE

Boa tarde familias, 

as profesionais de  Alalá que impartiron a charla no día de onte achéganvos os contidos da charla para que poidades utilizalos e volver a eles sempre que os necesitedes. Podedes descargalos no seguinte enlace:

MEDRAMOS EN IGUALDADE

Ademais déixannoseste Código QR para que poidades descargar todos os recursos que nos presentaron na aula e que podedes usar cos vosos peques.

SAMAÍN 2025 NO CEIP ATÍN-CELA MOS

Este ano liámonos a manta á cabeza e decicimos xunto co claustro do Centro preparar un túnel do terror que puideron desfrutar os peques pola mañá e as familias en horario de tarde. Foi unha xornada chea de risas e por suposto de moitos sustos. Queremos agradecer a todas as persoas que o fixestes posible e ao Centro por meternos de cheo neste lío. Deixámosvos un vídeo para que vexades que ben o pasamos. Grazas a tod@s!!!

https://youtu.be/O-PO3RF22kc

MES DA IGUALDADE NO CEIP ATIN-CELA CURSO 25-26

 Xa estamos entrando no mes de novembro e como non podía ser doutra maneira celebraremos diferentes actividades de promoción da igualdade entre mulleres e homes e de prevención e rexeitamento da violencia contra as mulleres, Estas actividades están subvencionadas pola Xunta de Galicia  en desenvolvemento do Pacto de Estado contra a violencia de xénero. Agardamos que participedes delas!!